იმერეთის აგრო ზონამ საერთაშორისო გამოფენაში FRUIT LOGISTICA 2023 მიიღო მონაწილეობა
- IAZ
- Feb 11, 2023
- 1 min read
Updated: Feb 16, 2023
კომპანიამ „იმერეთის აგრო ზონა“ ბერლინში გამართულ საერთაშორისო გამოფენაში FRUIT LOGISTICA 2023 მიიღო მონაწილეობა.
გამოფენის სტუმრებს კომპანიის დირექტორმა, არჩილ ბუკიამ მეურნეობების კლასტერის განვითარებისა და მებაღეობის სასწავლო-სადემონსტრაციო ცენტრის პროექტები წარუდგინა. ორივე პროექტის მიმართ პოტენციური ინვესტორების მხრიდან მაღალი ინტერესი დაფიქსირდა.
გამოფენის ფარგლებში, ასევე გაიმართა შეხვედრები მებაღეობის სასწავლო-სადემონსტრაციო ცენტრის არსებულ წევრებთან, ნიდერლანდურ კომპანიებთან და რამდენიმე გერმანულ, იტალიურ, დანიურ კომპანიასთან, რომლებმაც პროექტში ჩართვის ინტერესი გამოთქვეს.
გარემოს დაცვისა და სოფლის მეურნეობის სამინისტროს მხარდაჭერითა და სოფლის განვითარების სააგენტოს ორგანიზებით მოწყობილ სტენდზე, ჯამში, 14 ქართული კომპანია იყო წარმოდგენილი.
Comments