საქართველოს გარემოს დაცვისა და სოფლის მეურნეობის სამინისტროს და სოფლის განვითარების სააგენტოს ინიციატივით, იმერეთის აგრო ზონა ახორციელებს სასათბურე მეურნეობების კლასტერის განვითარების პროექტს. ეს არის უნიკალური შესაძლებლობა განახორციელოთ ინვესტიცია: იყიდოთ ინფრასტრუქტურით სრულად უზრუნველყოფილი მიწა საქართველოს დასავლეთ ნაწილში, იმერეთის რეგიონში, რომელიც გამოირჩევა იდეალური კლიმატითა და ნაყოფიერი ნიადაგით.

 

საქართველოს მთავრობა უზრუნველყოფს 220 ჰექტარ ფართობზე გარე და შიდა ინფრასტრუქტურის მშენებლობას, საზოგადოებრივი ტრანსპორტით მომსახურებას, ნაკვეთის სრულ შემოღობვას, უსაფრთხოების სისტემების დამონტაჟებას, ელექტროენერგიით, გაზით, სარწყავი და სასმელი წყლით მომარაგებასა და ცენტრალიზებული კანალიზაციის სისტემის მოწყობას.

​

იმერეთის აგრო ზონის ტერიტორია დაყოფილია ორ ნაკვეთად: 159 ჰა წყალტუბოს და 61 ჰა ბაღდათის მუნიციპალიტეტებში. ნაკვეთები ახლოსაა ცენტრალურ მაგისტრალთან, რკინიგზასთან, აეროპორტთან და საზღვაო პორტებთან , რაც განაპირობებს მარტივ წვდომას რეგიონალურ და საერთაშორისო ბაზრებთან.

 

საწარმოო ნაკვეთები უზრუნველყოფილი იქნება ყველა საჭირო კომუნალური ინფრასტრუქტურით, რომელიც მოიცავს  180-მგვტ ელექტროენერგიის და 40 მლნ კუბური მეტრი ბუნებრივ აირის ქსელს. კომუნალური ინფრასტრუქტურა ასევე მოიცავს სასმელი და სარწყავი წყალმომარაგებისა და ცენტრალიზებული კანალიზაციის სისტემებს.

​

​