top of page

ჩვენს შესახებ

საქართველოს გარემოს დაცვისა და სოფლის მეურნეობის სამინისტროს და სოფლის განვითარების სააგენტოს ინიციატივით, იმერეთის აგრო ზონა ახორციელებს სასათბურე მეურნეობების კლასტერის განვითარების პროექტს. ეს არის უნიკალური შესაძლებლობა განახორციელოთ ინვესტიცია: იყიდოთ ან იჯარით აიღოთ ინფრასტრუქტურით სრულად უზრუნველყოფილი მიწა საქართველოს დასავლეთ ნაწილში, იმერეთის რეგიონში, რომელიც გამოირჩევა იდეალური კლიმატითა და ნაყოფიერი ნიადაგით. შპს "იმერეთი აგრო ზონის" დამაარსებელი და 100%-იანი წილის მფლობელია ა(ა)იპ სოფლის განვითარების სააგენტო.

 

იმერეთის აგრო ზონის ტერიტორია დაყოფილია ორ ნაკვეთად: 159 ჰა წყალტუბოს და 61 ჰა ბაღდათის მუნიციპალიტეტებში. ნაკვეთები ახლოსაა ცენტრალურ მაგისტრალთან, რკინიგზასთან, აეროპორტთან და საზღვაო პორტებთან , რაც განაპირობებს მარტივ წვდომას რეგიონალურ და საერთაშორისო ბაზრებთან.

საქართველოს მთავრობა უზრუნველყოფს 220 ჰექტარ ფართობზე გარე და შიდა ინფრასტრუქტურის მშენებლობას, საზოგადოებრივი ტრანსპორტით მომსახურებას, ნაკვეთის სრულ შემოღობვას, უსაფრთხოების სისტემების დამონტაჟებას, ელექტროენერგიით, გაზით, სარწყავი და სასმელი წყლით მომარაგებასა და ცენტრალიზებული კანალიზაციის სისტემის მოწყობას.

GoG_Logo - MoESD.png
MEPA_Logo.png
RDA_Logo_edited.png
IAZLOGO-removebg-preview.png

საქართველოს გარემოს დაცვისა და სოფლის მეურნეობის მინისტრი

Otar Shamugia.png

ოთარ შამუგია - საქართველოს გარემოს დაცვისა და სოფლის მეურნეობის მინისტრი

მოგესალმებით,

 

მოგეხსენებათ, რომ გარემოს დაცვისა და სოფლის მეურნეობის სამინისტროს (MEPA) ძირითადი ფუნქციაა, საქართველოს სოფლის მეურნეობის სექტორის განვითარების ერთიანი სამთავრობო პოლიტიკის შემუშავება და განხორციელება. ამ მიზნით, 2014 წლიდან, გარემოს დაცვისა და სოფლის მეურნეობის სამინისტრომ საერთაშორისო ფინანსურ ინსტიტუტებთან მჭიდრო თანამშრომლობით, ჩაატარა კვლევები. გამოვლინდა და პრიორიტეტი მიენიჭა სოფლის მეურნეობის სხვადასხვა სექტორს, რომელთა განვითარებასაც უზრუნველყოფს სოფლის განვითარების სააგენტო (RDA).

 

კვლევების შედეგად, იმერეთის რეგიონში სასათბურე მეურნეობების კლასტერის განვითარება ერთ-ერთ პრიორიტეტულ პროექტად შეირჩა. სოფლის განვითარების სააგენტომ დააფუძნა იმერეთის აგრო ზონა (IAZ), რომელიც უზრუნველყოფს იმერეთის რეგიონში, წყალტუბოს მუნიციპალიტეტის სოფელ ფარცხანაყანევსა და ბაღდათის მუნიციპალიტეტის სოფელ ვარციხეში, 220 ჰა-ზე სასათბურე მეურნეობების კლასტერის განვითარებას.

იმერეთის აგრო ზონის პროექტის ერთ-ერთი მნიშვნელოვანი ნაწილია 2022 წლის მარტში დაარსებული წევრობაზე დაფუძნებული მებაღეობის სასწავლო და სადემონსტრაციო ცენტრის (HTDC) განვითარება.  ამ მიზნით, საქართველოს მთავრობამ ქალაქ ბაღდათში გამოყო 4.2 ჰა მიწის ნაკვეთი, რომელზეც წევრების ჩართულობით სადემონსტრაციო-სატრენინგო სათბურები აშენდება. ცენტრი მოემსახურება როგორც იმერეთის აგრო ზონის მოიჯარეებსა და რეგიონში სასათბურე აქტივობებში ჩართულ 20, 000-მდე ფერმერს, ასევე ფერმერებს მთელი საქართველოდან და მეზობელი ქვეყნებიდან. პროექტის ფარგლებში ასევე შეიქმნება შემგროვებელი ლოგისტიკური ცენტრი, რომელიც დასავლეთ საქართველოს ფერმერებს გაუწევს მომსახურებას.

 

იაზ-ის სასათბურე მეურნეობების კლასტერის განვითარებას აქვს გარემოს დაცვისა და სოფლის მეურნეობის სამინისტროს სრული მხარდაჭერა. პროექტის კონცეფცია პასუხობს სამინისტროს პოლიტიკის ყველა მთავარ მიზანს:

 

  • პროფესიული განათლების უზრუნველყოფა;

  • ადგილობრივი ბაზრების ათვისება;

  • საექსპორტო ბაზრების განვითარება;

  • ხარისხის უზრუნველყოფა და სერტიფიცირება;

  • მოთხოვნილი ენერგიისა და კომუნალური მომსახურების სათანადო მიწოდება;

  • წარმატებული ბიზნესის განვითარებისათვის ისეთი სერვისების მიწოდება, როგორებიცაა: აგრონომიული, ფინანსური, სამართლებრივი და საორგანიზაციო სახის საკონსულტაციო მომსახურება;

  • დამატებითი სამუშაო ადგილების შექმნა;

 

გარემოს დაცვისა და სოფლის მეურნეობის სამინისტროს, სოფლის განვითარების სააგენტოს და იმერეთის აგრო ზონის სახელით, მადლობას გიხდით პროექტისადმი გამოხატული ინტერესისათვის. ველით მჭიდრო თანამშრომლობას პოტენციურ ინვესტორებთან პროექტის წარმატებით დასრულებისათვის.

პროექტის მმართველობა

iazi-gegma-geo_edited.jpg

ნაკვეთები

map-2-eng.png
map-3-eng.png
bottom of page